超欣有理想不屑做o靚模

剛從杭州參加遊學團回來的超欣表示，買了肖雞的玉像送給爸爸保平安，說畢即從小手袋內抽出一條粉紅色絲巾送給媽媽，在旁的四太即時甜入心，更一親女兒兼將絲巾掛在頸上。

視父親為偶像

超欣表示平日有陪爸爸玩撲克廿一點，但通常做派牌。她又稱從網上新聞得知父親想返澳門，但就不會留意自己新聞。問四太給她多少零用錢？她笑說：「媽咪冇畀錢我，因為我自己有錢。（有冇八位數身家？）你哋（指着記者）應該有，不過我爸爸都有。」

賭王曾指超欣是最漂亮的女兒，超欣對此說：「佢客氣啫，個個都靚。（你有冇偶像？）Lady GaGa。」她又笑言父親英俊，故亦視對方為偶像。超欣表示長大後希望做會計師，問到想不想做o靚模？她扁嘴說：「唔想，做埋啲咁嘅嘢！」其後又自爆六月十二日生日，不過因為乜都有，故沒有生日願望。

超欣精乖伶俐，相信超盈不介意被搶風頭。

左起：超欣、猷君、Greg、超盈及四太前晚出席保良局晚宴。