私己錢助徐展堂解困 邱海寧有情有義
全國政協常委徐展堂日前病逝，媒體在其生平簡介中重提他與紅顏知己邱海寧的一段情，有指邱因徐投資失利才分開。有知情人士為邱海寧抱不平，指她對徐展堂極為有情有義，早年兩人交往期間，邱海寧動用自己的人脈關係，令徐結識了不少政商界人士，至後來徐生意出現了問題，經濟周轉不靈，邱更掏出數千萬元私己錢幫忙，又四出找朋友助徐渡過難關，並找到一位富豪以無抵押借出五千萬元來解財困，但由於邱家希望女兒能正式結婚，才導致兩人最終分手收場。
鄭明明談點滴
昨日本報記者致電邱海寧好友鄭明明，她表示與邱最少每月在上海聚會一次，她憶述「徐邱」兩人點滴時說：「嗰時Helen（邱海寧）成日同我講佢想結婚，最後結唔到就分開咗，但點解結唔到我就冇問，（係咪因為徐展堂經濟有問題導致分手？）我認識嘅Helen唔係咁嘅人，佢唔係咁現實，而且當時佢自己都有投資，自己都有錢，（聽講佢有用私己錢幫徐生？）我都有聽佢講過，不過詳情就唔係好清楚。」鄭明明慨嘆人已逝，應該讓一切恩怨一筆勾銷，好讓徐展堂能夠安息！