狄娜超激床戲貨真價實

身材出眾的狄娜，於72年接拍李翰祥執導電影《大軍閥》，全裸上陣，當年露點床戲足本上映，惟之後推出的錄影帶或DVD版都被刪掉，昨日在網上任睇。

一氣呵成

狄娜在最後著作《電影——我的荒謬》中提到當年被迫全裸上陣，指李導違背透過紗布拍攝的承諾。在足本版的《大》片床戲中，狄娜與男主角宗華又攬又咀，情到濃時宗華除去狄娜連身裙，露出胸脯、胸前兩點和圓潤臀部，直至一絲不掛，鏡頭所見當中有幾秒確是透過床尾輕紗拍攝。

當年該片攝影師林華超，現年75歲，他是已故名導李翰祥的御用攝影師，昨日超叔接受本報專訪，否認當年偷拍，認為只是宣傳。他在72年擔任《大軍閥》攝影師，他說：「當年都冇針孔機呢啲高科技，只係得一部大機，用32度菲林拍攝，世界光，我負責揸機，李導演坐埋一邊。當時『係咁意』叫過清場，不過啲人都冇乜走到，之後李導演上床示範和試位，狄娜問：『得未？ＯＫ未？得就拍啦！』當時佢全裸，影到上身露點，但下身就用鏡頭遷就，尺度問題嘛。《大軍閥》拍咗三十日共十個景，狄娜一氣呵成，嗰場床戲拍咗四百呎菲林。當年拍戲嘅菲林要去黑房沖印後，第二日先至有得睇，狄娜從來冇催促過要睇片，佢好信任李導演。（依家網上有得睇番足本噃。）當年因為賣埠，係刪剪過，所以有唔同版本。」

全無扭擰

超叔至今仍大讚狄娜專業：「狄娜好明白食得鹹魚抵得渴，當時佢一take過搞掂，冇扭擰好大方，冇聽佢埋怨，佢仲同大家有說有笑。」他又憶述當日狄娜由穿着制服的司機送到片場後在私人化妝間準備，拍完去半島食飯。他又說當年有女星拍裸露戲，因為身材平平無奇要找替身上陣，但狄娜真材實料所以真身上陣。

文：專案組