郭秀雲爆狄娜自知死期
狄娜日前因病離世，向來低調的兒子馬天如（Michael）一直未有露面；但據其身邊的名人好友郭秀雲透露，狄娜早知自己大限已到，亦已安排好一切，但Michael始終未能接受喪母之痛，現正離港散心及避開傳媒耳目。
狄娜離世，其子Michael自然成為追訪目標。侍母至孝的Michael在圈中朋友不多，不過就與同樣是愛狗之人的郭秀雲及羅寶文是密友。郭秀雲昨日接受本報記者電話訪問，憶述狄娜彌留之際，一直與Michael緊密聯絡，她說：「Michael同我講，佢媽咪係知道自己唔得，佢知道晒所有嘢，甚至連自己幾時走都知；佢臨走前幾個鐘，我仲特登同幾個朋友訂咗啲花同寫咗張卡寄去醫院畀佢，點知隔冇耐就收到Michael電話話媽咪走咗，我仲即刻要去截住啲花唔好送去。」
讚「敢作敢為敢認」
郭秀雲表示Michael自小與母親相依為命，與母親關係非常好，突然痛失至親，難免接受不到：「佢依家一定好迷失，加上佢唔鍾意見報，所以依家離開咗香港避風頭兼散心，（喪禮如何安排？）佢哋非常低調，詳情都係等佢哋公布好啲！」郭秀雲又稱讚狄娜「敢作敢為敢認」，是女版007。
忍喪母痛照顧愛犬
至於因郭秀雲關係而認識Michael的羅寶文，透露狄娜離世後亦有與Michael聯絡，她更透露對方很傷心：「我知佢好孝順，呢兩年都好忙，全心全意照顧媽咪，佢哋兩個感情好好。（知唔知佢身後事點安排？）我唔敢問佢，我知佢哋想低調。」她又大讚Michael愛心爆棚，家中的狗隻全是領養回來的，而即使母親近年健康欠佳，但他勞心勞力照顧母親的同時，也不會忽略愛犬，細心照顧。
文：名人組