周慧敏前晚身穿價值$33,900的Escada迷彩露背晚裝，出席「商界獻愛心：瘋狂扮嘢愛之夜」，她表示自己以表演嘉賓身份獻唱，毋須扮鬼扮馬，問她是否久未公開表演，她承認：「我自從06年之後就冇，喺酒店表演都係第一次。（會唔會心癢想唱番歌？）其實一直以嚟都有人邀請我做唱歌嘅工作，睇吓有冇興趣同好唔好玩啦！呢啲隨緣。」她又稱剛從越南探訪回港，在當地有很好的體驗，她說：「我哋要用公共廁所，又試過冇水，最後要用我僅有嘅一支礦泉水刷牙同洗面。」
