超雲超蓮遵母訓禁性感
何超雲及超蓮偕同母親三太陳婉珍出席《東風破》首映，同場尚有女主角何韻詩及捧場客楊千嬅。超蓮以低胸及短裙亮相，她卻揚言母親不想她們太過性感。至於超盈早前到機場接男友機，小倆口公然晒幸福，超蓮及超雲異口同聲表示未有所聞，超蓮表示：「我唔知喎，我為人比較保守，男友都知我唔可以咁做，不過可能佢同男友分開好耐，又唔知有記者在場啫。」在旁的超雲亦讚同妹妹講法謂：「太過親密舉動要留番喺屋企先，男友都知我唔可以（公開）錫錫。」
三太教女講規矩
三太接受訪問時，則為自己澄清說：「我冇話唔畀佢哋性感，係唔好太過性感啫。（唔好公開同男友親熱？）講過吓囉，呢啲唔係嚴，但要有規矩。」何韻詩則表示在戲中扮演一名三、四歲小朋友的媽媽，且性感溫柔，與現實生活中大相徑庭。而楊千嬅則透露老公已過看她的新戲，且大讚感覺甜蜜且輕鬆。