法拉出嫁捐馬浚偉褲襠
以兄妹相稱的馬浚偉及陳法拉，昨日「私訂終身」玩轉婚禮，談到婚期時兩人互相推讓，馬仔取笑法拉會在K房進行求婚外，更說：「埋褲襠你捐！」而法拉在尾聲時竟一時不慎露出「缽仔糕」。
陳法拉和馬浚偉昨日以代言人身份為「羅浮宮婚紗影城」示範婚紗及簽約儀式，二人更上演一場婚禮，大講「我願意」及合卺交杯外，馬仔更下跪及揭頭紗。
K房求婚
身為Neway太子爺薛世恒女友的陳法拉，被司儀取笑她會在卡拉OK房進行求婚時，法拉尷尬的說：「吓！我冇諗過，又畀你諗到。呢啲係要男仔花心思，女仔只係等呢個時刻。」馬仔即安撫說：「放心！會喺K房發生！」而法拉行騷至尾聲時，百密一疏，露出少許「缽仔糕」。
馬仔和法拉說「行禮」不感到尷尬，因大家熟落，以兄妹相稱。對於法拉露「缽仔糕」，法拉驚訝的說冇留意並反問馬仔，馬仔笑說：「吓？就算留意到都冇可能同你拉番高條裙！」對於陳志雲開記招，馬仔有留意但不方便評論，更言自己冇黨冇派。
今年不娶
各有所屬的法拉及馬仔，被問到結婚計劃時，兩人即場互相推讓，馬仔笑言：「等阿妹先啦！」法拉即說：「你係阿哥，我唔想爬你頭！」怎知馬仔說：「唔介意被你爬頭，畀埋條褲襠你『捐』都得！」早前帶女友亮相的馬仔坦言今年不會結婚。
採訪：名人組