基仔兩會志雲 唔驚廉署搵上門

《第5屆香港音樂滙展》昨日舉行開幕禮，籌委會主席吳雨、大使古巨基及一眾歌手現身支持。有指涉嫌貪污的陳志雲在舉行記招前曾與基仔晚宴，基仔直認不諱：「係，佢心情OK，佢都交代過啦！（有冇為佢記招做智囊團？）梗係冇，我都冇智，爛gag就有，席上都係關心下佢，細節同人物都唔講喇！（餐飯係咪你請？）都唔講得。（事前約好食飯？）唔係一早約好！」基仔強調與陳志雲只是普通聚會。

閒話家常不提案情

對於陳志雲表示被剃鬚刀割損才戴着口罩步出廉署，問基仔有否看到傷痕？他說：「咁你哋見到架，我冇刻意近距離睇。」基仔坦承事發後曾兩度與陳志雲見面，不擔心ICAC找他助查：「見過唔止一次，都係閒話家常，關心佢，冇提及涉及案件，佢有律師幫手處理。（唔驚ICAC搵你？）唔會驚。（覺得佢清白？）呢個時間最好少啲評論或者畀意見，等件事調查完，自然水落石出。」他又指晚飯時未見陳志雲前私人助手叢培崑，未有正面回應有否叫陳志雲疏遠叢培崑。

否認與叢培崑合作

另外，日前有報道指基仔所創作的卡通公仔Kubi，是與叢培崑的「思潮」製作公司合作。基仔澄清無此事，他指Kubi誕生於二○○三年，至今所有設計及製作，以及近年個唱產品設計與製作亦由他公司一手包辦。基仔謂：「冇咁嘅事，傳聞唔係事實，反而前幾年參與嘅一個商場慈善活動，我為呢個活動做設計，據我所知負責呢次義賣活動嘅製作就係叢培崑嘅公司，我知道嘅就係咁多。」據知基仔出席該慈善活動並無收取酬勞。

此外，吳雨希望將音樂滙展愈搞愈大，宣揚科技與音樂的關係與重要性。問到今年四大唱片公司未有參與，對活動有否影響？吳雨說：「唔會，音樂冇分，大家係一家人，我哋有邀請，大門係打開，唔同公司有唔同政策，我哋都唔係每個會員參加。」

文：音樂組