張繼聰講明唔探陳總
張繼聰被指是陳志雲開記招的幕後智囊團，他昨日出席活動時作出否認：「我唔係智囊團，事前都唔知佢會開記招，亦冇出席飯局，（你係志雲黨喎？）又陰我？（咁你有冇唔開心？）平常心囉，有咩未見過？（節目係咪會換人？）依家仲未知，但我會尊重節目製作。」他又表明不會探望陳志雲，被問到是否怕被指抽水？他說：「我冇咁做過，（驚唔驚人話你大難臨頭劃清界線？）我冇，我諗陳生都好明白，總之作為朋友我希望佢好好面對同活得好。」
此外，樂易玲昨日大派定心丸，表示無綫無黨無派，被指是「志雲黨」的唐詩詠表示：「近來太多新聞關於邊派邊黨，令藝員有猜測同誤會，我就唔理得咁多，做好本分就OK，不過樂小姐出嚟講都係好事！」至於曾稱呼陳志雲為honey的鄧健泓未有就此事回應，但身為環球旗下歌手的他卻在微博上為新歌《一個人的福音》大作宣傳，表示MV未能在無綫播出，只好自己向fans作呼籲，最後更以「哈哈」作結，顯然心情未受影響！