陳法拉被屈衰人嬲到喊
陳法拉與「死敵」諸葛梓岐的不和傳聞甚囂塵上，昨日她接受查小欣電台節目訪問，透露曾為不實報道灑淚，她說：「嬲之餘仲會喊，經理人都叫我睇開啲。（邊單新聞？）喺07、08年我好多緋聞、話我態度差同埋人衰，衰過劇中奸角，壓力大到不得了。」
少見諸葛梓岐
對於早前與死敵諸葛梓岐掀罵戰，法拉說：「依家不了了之，件事淡咗啦，過咗去大家都知唔係真。（受困擾？）會，都唔知點答記者，講任何嘢都會變成罵戰，所以keep住唔回應。」
問到現時與諸葛梓岐甚麼關係？法拉說：「做嘢見過一、兩次，私底下好少見。」
自爆諗過結婚
對於被諸葛梓岐踢爆她和Neway太子爺薛世恒早已拉埋天窗，法拉則顯得避忌，問到有否打算結婚？法拉衝口而出說：「諗過，細細個嗰時有咁諗。（對方求婚未？）未，希望兩個有共識，我都想嫁得好同開心，一生一世嘛。」法拉又透露圈中最老友是楊怡及馬浚偉，二人就像自己的哥哥姐姐般照顧自己。
採訪：音樂組