阿Sa為工作犧牲暫不結婚
蔡卓妍（阿Sa）與鄭中基分手，揚言再見亦是朋友，阿Sa日前接受內地傳媒訪問時，表示不欲因外間的諸多揣測而破壞了美好回憶，不過當被問到與鄭中基是否已秘密結婚？她只避重就輕地說：「我唔講啦！」更表示愛工作便要作出犧牲，暫時沒有結婚計劃。
阿Sa與鄭中基早前被爆在06年秘密結婚，不過相隔一日，二人突然分別向外透露六年情玩完，令這段「Sa基戀」顯得撲朔迷離。阿Sa日前接受內地傳媒訪問時，坦言與鄭中基和平分手了一段時間，更為這段「逝去的愛」作出解釋：「之前我都說過我已經單身！我唔想被各種猜測來破壞我和他的美好回憶。」
睇好自己做影后
對於被指與鄭中基在06年已秘密註冊結婚，Sa沒有直接否認，只輕輕帶過：「我唔講啦！人生唔係只有愛情，當然亦唔係只有工作，但你愛你自己嘅工作時，就必須作出好多犧牲。」
被問到有否結婚計劃？阿Sa斬釘截鐵地說：「我暫時沒有這個打算！」她續說：「很多事情都是命中注定，我不會為自己定下人生大計，珍惜每個機會之餘，還是身體最重要。」常被看好成為新一代影后接班人的阿Sa，笑言也看好自己！
阿詩：冇證冇據
阿Sa老友何韻詩出席Club Monaco時裝騷時，坦言與阿Sa私底下很熟，大家有講感情事，至於有否安慰阿Sa？她說：「佢咁大個，識得點處理感情事，唔使擔心。（阿Sa係咪好傷心？）身邊人睇佢就覺得冇嘢。總之和平分手就唔會有傷害。（有指二人結了婚？）結婚唔知，亦冇問，經常都有呢啲傳聞，而且又冇證冇據，我亦唔會專登去問，有冇結婚反正都過去咗。」對於有指鄭中基花心導致與阿Sa分手？阿詩表示這個世代有很多誘惑。
另外，梁漢文提到好友鄭中基與阿Sa分手消息時說：「都係呢幾日先知，冇打畀佢，知鄭中基忙緊電影宣傳，見面先啦，唔需要問或者求證喇。」
文：名人組