蘇永康無以為報請睇碟
蘇永康、張衞健（Dicky）等昨日出席活動，曾有傳近日被捲入陳志雲涉貪事件的錢國偉，原為四子演唱會監製，為彌補好友未能欣賞演出，蘇永康計劃將親手剪片的DVD送予對方。
張衞健（Dicky）、梁漢文（Edmond）、許志安、蘇永康四子，剛完成巡迴個唱香港站，四子除計劃宴請助手們晚宴外，昨日現身迪士尼分享兄弟間的「愛意」，繼續引發笑彈，安仔更感謝蘇永康借出鑽石內膽（內褲），令他在舞台上艷光四射。
心意就夠
談到好友錢國偉（Wilson）捲入涉貪事件，問到他們會否為Wilson成立智囊團，效法陳志雲舉行記招？安仔說：「依家進入咗司法程序，唔方便去講，Wilson知我哋P:心意就足夠喇。」蘇永康表示近日各人亦忙於回顧演唱會片段，準備製作DVD，因此未有時間在電視上收看陳志雲記招，他說：「依家計劃由我哋做埋剪片同後期！（會否相贈DVD予Wilson？）一定會送畀佢！」而Dicky說：「Wilson係義務幫我哋，佢係一個同我哋共同長大、睇住我哋嘅同事、朋友。」
有意出書
四子頻頻現身活動，人氣大熱，他們希望多做慈善工作，Edmond說：「我哋第一封收到歌迷嘅信，當中叫我哋回饋社會，呢句說話成日都喺我哋心入面，亦係我哋嘅精神。」Dicky更透露有意將四子經歷編成書籍，勉勵大眾。此外，蘇永康透露女友曾多次表示希望到香港迪士尼一遊，雖未有打算求婚，但亦是個好選擇，而安仔就言曾幻想學揸小型飛機，於空中求婚以表誠意，笑言若女友拒絕就掟對方落機。
文：音樂組