貪靚陳總獨愛暗墊
向來貪靚的陳志雲，昨日以西裝配波鞋的造型出席港大講座，與前日開記招的裝扮相類似，兩日來更穿同一對意大利品牌Ruco Line高踭波鞋，據知志雲對此款波鞋情有獨鍾，原因波鞋內藏暗墊，令人突然「長高」。代理此款波鞋的虞茱迪表示，陳志雲是熟客，經常帶朋友來幫襯，但沒有贊助對方。
而設計師張天愛對志雲以西裝褸配窄腳褲和波鞋的造型，大讚值90分：「佢始終係半個娛樂圈人，藝人有時都會着波鞋或着牛仔褲去食飯，佢着得好有風格，如果着套好隆重嘅西裝，反而唔啱，男人咁着值90分啦！（51歲咁着有冇問題？）着衫唔應該分年紀，唔應該50歲着50歲嘅衫，我都唔會着50-60歲嘅媽咪衫啦，佢咁着好似31歲。」