BIG FOUR撐落難監製順利過渡
無綫監製錢國偉因涉及「威遠行動」案而眾叛親離，不過和他惺惺相惜的BIG FOUR成員齊力撐「落難好友」，祝福他「順利過渡」。但與錢國偉分屬同事，被傳頂替他的前無綫監製陳家倫及高層樂易玲聞「敏感」話題，即速逃又封嘴，態度迥異。
前晚一連五場《The BIG FOUR世界巡迴演唱會——香港站》在encore聲中結束。慶功宴上，BIG FOUR被問到有傳演唱會的監製，本是涉嫌貪污案的無綫監製錢國偉，惟因「事發」才由陳家倫頂上？許志安否認此事：「監製只得一個陳家倫，海報都寫明，佢（錢）只是私下幫忙度橋。」安仔說四人和錢國偉相識多年，欲借機會向他問好，祝福他無事。
陳家倫避記者
梁漢文謂作為錢國偉的朋友當然擔心對方，可惜愛莫能助，相信他亦不便接電話，故沒騷擾對方，也沒有邀請他來捧場。問他們可信任錢國偉？張衞健（Dicky）說：「案件已去到司法程序，唔方便評論，但相識多年，覺得佢係有才華，笑容成日掛喺面度嘅監製，作為朋友，衷心祝福佢順利過渡。」
前晚往捧場的樂易玲離場時，不惜兜路走入人群，圖阻傳媒埋身，問她無綫可再有藝人需要助查及王賢誌爆有藝人送名牌手袋討好高層？她一律避談，走入秘道求脫身前她怪傳媒：「咁無秩序，我唔講。」近日亦有傳因為陳志雲事件，令樂易玲大有機會「升呢」補陳總之位。至於陳家倫在慶功宴上被傳媒「圍攻」，他一味避開尾隨的傳媒，堅拒受訪。
健仔有心有力
屢被許志安、梁漢文及蘇永康嘲笑「揸流攤」的Dicky，前晚在尾場個唱上終「吐氣揚眉」，成功完成側手翻、蜈蚣彈及凌空一字馬等高難度動作，「自信返晒嚟」的Dicky興奮得繞場一周，大叫：「老婆我有心有力。」安仔情緒波動大，談及多年兄弟情時眼濕濕，但唱歌時又high爆，罔顧安全撲入觀眾席，險些錫中樂易玲的面頰。另外，安仔的前緋聞女友韓紅現身捧場外，又到後台送花送抱。問安仔為何不公開說女友Michelle？他頻說感情低調是其作風，但據知Michelle「隱身」後台暗撐。
採訪：音樂組