靈堂爭寵：有傳諸葛梓岐於男友祖母喪禮的靈堂，與法拉爭寵，Marie冷淡說：「我覺得我冇需要同佢鬥！」

鬥性感：兩人同場出席活動，法拉的性感打扮撼贏對方，法拉淡然：「冇話贏唔贏，大家唔同造型，我哋少聯絡。」

秘密訂婚：有傳法拉與薛世恒秘密訂婚，Marie即說：「我冇聽過，係出面啲人講畀我聽。」對於法拉婚訊，Marie更爆響口：「無論點樣都好，祝佢幸福快樂，總之一定要尊重老人家。」

拜年：Marie表示會向未來奶奶拜年：「呢啲係家教！」暗寸法拉揚言不跟未來奶奶拜年。

罵戰升級：法拉暗指Marie踢爆婚訊抽水博宣傳，Marie澄清：「佢咁高調係此地無銀，我冇講過佢結婚，邊個搞出嚟大家心知！」

法拉反擊：「唔回應，太多是非，講咗好多次，唔想重複，希望佢都可以！」