古仔、黃百鳴早前為電影《花田囍事2010》做宣傳，並落手落腳寫揮春，希望電影票房好，可惜古仔落筆第一個字，字體寫得較大，覺得有欠工整，於是他將紅紙摺成四格，按格仔寫出大細相若的字體，認真有心思！

身為長子的古仔，每年春節都按習俗做工夫，像叩頭上香等，所以即使農曆新年有人找他登台，都寧願要假（期）不要錢，推掉工作留在家中。因年初三赤口不用拜年，古仔有意跟黃百鳴約同工作人員秘密巡戲院，古仔說：「多年前我試過約埋班舊同學，一齊去旺角大型戲院睇自己主演部戲嘅反應，點知戴埋口罩、大帽變身密實神秘人，一樣畀人認出，仲大叫：『古天樂嚟咗』，令我好無奈，咪問佢點解會認得我？嗰個人話：『你嗰兩邊的水囉。』」

收利是磚咁厚

每逢新歲古仔也有派利是，他笑言最難忘是有一年戲院老闆派利是給他，利是厚到成舊磚頭一樣，數目多少已忘記，但此事令他十分難忘。黃百鳴向來不迷信少拜神，試過有一年去濟公廟拜神，之後發展不俗，故現在無論身在何處，若當地有濟公廟定會入廟一拜，以求心安理得。黃百鳴又公布虎年喜訊，指女兒黃漪鈞將會結婚，準新娘則說待宣傳完《花》片後再作公布。

文：影視組　攝影：黎志輝