近日於網上討論區發現一個標題為「張敬軒罵人成性－寸過碼頭咕喱」的討論帖，網友「利物浦街」以千字文章力斥軒仔於太古廣場的名店購物時擺款，要求其做店員的家姐閂舖招呼他一人，又要試未開封的新衫，由於店員拒絕有關要求，軒仔就立即破口大罵，更囂張地說：「我買嘢嘅錢，多過你搵幾年錢呀！」該網友氣憤表示，其家姐事後就收到兩封警告信，最終於新年前被炒。

唔去金鐘買衫

本報致電軒仔求證事件，他回應說：「得啖笑，都幾無聊，根本就冇呢件事，識我嘅人就知我咩性格，我對人有禮貌，唔會咁做，（有冇去過太古廣場名店？）我不嬲都唔去金鐘買衫，只係會去尖沙咀。」他表示對傳聞只會一笑置之，不會動怒。

另外，軒仔前晚舉行第三場演唱會，適逢大年初一兼情人節，特別邀請緋聞女友王菀之（Ivana）擔任嘉賓，兩人在台上大唱《我願意》冧爆情歌，引起觀眾大叫「咀佢、咀佢」，軒仔徇眾要求親吻Ivana面頰一啖，令全場起哄尖叫。

軒仔向台下歌迷拋贈玫瑰，掀起一陣爭奪戰。

軒仔被指購物時擺款，並對時裝店店員破口大罵。（資料圖片）

王菀之派玫瑰

被軒仔突然一吻的Ivana扭計說：「我都未應承，你就咁快走過嚟！」而encore環節，觀眾席上的Ivana再次被軒仔邀請上台，向觀眾大派玫瑰花，又齊齊將觀眾所派的利是「袋袋」平安。此外，軒仔好朋友關智斌昨晚現身捧場。

採訪：音樂組