初歸新抱楊千今個虎年「升呢」，正式以「丁太太」身份登場，斬隻白切肥雞給奶奶、老公品嘗。自嘲還未懂得做個稱職太太的千，感激老公丁子高對她的包容和體諒，令她感受到貼心照顧。
去年秘密結婚的千嬅，雖然今年年尾才會舉行婚禮，但過年她都會以新抱身份向奶奶拜年，更親自下廚斬隻白切肥雞給老公、奶奶品嘗。雖然少入廚，但千嬅都斬得似模似樣，她笑說：「雖然我未擺喜酒，但全港都覺得我已經係新抱，爹哋媽咪都當咗我老公係女婿，大家係一家人，不過有時都改唔到口，叫咗奶奶做auntie。」
大讚老公細心
嫁人後的千嬅坦言感覺不同，她要落手落腳去辦年貨，她說：「以前辦年貨媽咪搞掂晒，邊個鍾意食乜？訂幾多個生果籃？我完全唔使煩，但依家我會顧屋企多咗。」但千嬅不認變做師奶，她笑說：「我成個男人咁。」她笑言老公比她師奶得多，她笑說：「佢啲行情好勁，佢買嘢好細心，會周圍格價，真係黐線o架，新年佢會有個schedule（清單）。」
婚後冇乜唔同
千嬅承認不太清楚做人太太要怎樣，她笑說：「婚後我冇乜唔同，但人哋眼中我可能好唔同。」她又好欣賞老公的生活態度，並甜絲絲說：「佢乜都顧你先，我完全畀人照顧，我哋藝人時間難控制，簡單食餐飯有時都好難，佢會好體諒、包容，幫我度好期編排好晒，等我可以好舒服。」老公如此窩心，難怪丁太太流露一副幸福笑容。
採訪：音樂組
場地：港島廳
服裝：Ports 1961
髮型：Vic Kwan@hair-culture
化妝：Ling Chan＠Zing make-up school