香港先生高鈞賢（Matthew）近日忙於拍攝劇集《公主嫁到》，劇中飾演駙馬的他表示在入行後第一次拍喜劇，他說：「其實好開心可以參與今次拍攝，我覺得個角色好有趣，成日要好驚老婆，怕佢嬲，仲可以做好多我平時少做嘅古怪表情，係一個大突破。」
農曆新年將至，問Matthew有甚麼新年願望？他坦言希望演出備受注目，他說：「當然想自己拍嘅劇集出街後會有noise，而且演技有進步啦！仲有今年真係好想置業，因為姐姐結婚，爸爸媽媽可能多啲時間回港，咁可以一齊住，開心啲！」
場地及服裝：Miss Sixty@Bauhaus
