對於性感女子組合Freeze的出位談吐，支持她們的會稱之為不造作，不喜歡的則形容為口不擇言，但Freeze仍選擇擇善固執講出心底話。談到新一代o靚模湧現，主力以性感、超Deep V示人，更不時「意外」露nude bra、走乳貼，同以性感形象打響旗號的Freeze，即明言與o靚模性感有別。陳樂榣說：「我哋係組合，性感係配合歌曲同形象，唔係咩場合都打開心口見人。」

社會風氣受影響

她們直言有感o靚模定義已完全變質，由年輕模特兒演化成日本AV模式運作，實在影響社會風氣。甄穎珊說：「根本已經扭曲晒，令人誤以為單單賣弄身體就可以成名，佢哋出現對我哋工作上冇影響，但有好多正規模特兒朋友真係受到影響，有啲o靚模為見報，增加知名度，收好低價錢，令模特兒質素下降。」不過Freeze亦有留意部分以美感行先、着重於藝術性質的作品，更大讚夠專業，絕非單向批評。

石詠莉自言事業為重。	甄穎珊冇港女特質。	陳樂榣向來處事獨立。

男人都有王子病

此外，談到新歌《摩登伽女》內容以佛教故事作藍本，描述現今社會男女關係複雜，對愛情態度兒戲，而Freeze各人對愛情亦有其見解，樂榣向來處事獨立，硬朗性格令人不期然將她定位為「女強人」，而事實上，只要她遇到Mr. Right，一樣有小鳥依人一面，但要攻破樂榣的防線，不能有以下病症，她說：「啲人成日話『港女』有公主病，依家好多男人都有『王子病』就真，遲到、婆媽、冇責任感，仲脾氣差，比女仔更加女仔！」提到香港有男少女多現象，問她們會否為此擔心？石詠莉說：「我未識擔心，依家仲好細個，真係想以事業為先。」至於甄穎珊就言絕無港女特質，願與另一半捱出個未來。

採訪：音樂組

攝影：秦健輝　髮型：Patrick@Rever Salon　場地：Facet Bar@Lobby（棉登徑）