江美儀、陳霽平與無綫主持何基佑於今個農曆新年，節目多多，近期忙於拍無綫劇的美儀，趁着年初一、二、三有假期，年初一會到清水灣湛山寺探望外婆，順道「擺兩圍」齋宴，與親戚朋友團聚一下！至於初二、三，江美儀笑言：「梗係好好休息下，之前公私兩忙，趕住拍無綫劇《女人最痛》，自己又要搬屋，真係忙得好交關，連『冬冬』（江美儀愛犬）都冇時間理，佢唔開心到兩日冇食嘢。」

談到搬屋的原因，原來是為了遷就男友，她表示：「因為我一向都喜歡住西貢，但我男友就對西貢嘅路好唔熟，有一日佢同我講，佢係一個車手嚟，但入咗嚟西貢，就做唔到，問我幾時可以畀佢做番車手，我咪同佢講，賣出西貢層樓至講啦，點知真係賣得出，仲幾好價添，咪搬番出去香港住囉。」

江美儀愛犬冬冬穿上虎年裝與陳霽平、何基佑預祝大家虎年快樂。

美儀與愛犬冬冬感情甚佳。

首次同男友旅行

陳霽平今年年初四會同男友、家姐去日本旅行，問她何解會搵家姐做「電燈膽」？她表示：「其實係我男朋友先係電燈膽，原本係我同家姐去，因為知道佢都想去，所以咪邀請埋佢一齊去囉，今次仲係我第一次同佢去旅行添，（農曆新年會唔會去男友屋企拜年？）都會，（見對方媽咪緊唔緊張？）唔緊張，以前未拍拖已經見過，佢媽咪好Nice。」

而何基佑虎年大計多多，除忙於本身的工作外，還會推出新書以及灌錄唱片。

文：影視組　場地：奧海城

陳霽平

化妝：諺瞳小白＠Picturesque gate.comAssisted by Yoyo

髮型：Andy Wong@Chin G

服裝：Cecilia Yau Couture

何基佑

服裝：Baby Ghetto　化裝：Bobbi Brown