愛享受的溫碧霞近來積極學煮鮑魚，近日更相約新人謝芷倫（小倫子）、溫家恒及邱頌兒到尖沙咀食飯歎鮑魚，溫碧霞表示：「呢間係一哥（楊貫一）的新店，加上小倫子係『阿一海景飯店』嘅代言人，所以特登約埋溫家恒佢哋幾個一齊嚟食新年菜。」

溫家恒（右）盡顯風度，為女士們夾菜。	謝芷倫對魚生船情有獨鍾，皆因即將加入娛樂圈的她希望事業一帆風順。	溫碧霞最近學煮鮑魚孝敬母親。

風度十足

除了食鮑魚，他們點了寓意「撈起」的魚生沙律，溫碧霞稱：「新年除咗食阿媽整嘅上海年糕外，仲可以去食日本嘢，好似魚生沙律咁，一班人一齊撈吓撈吓，開心之餘，仲可以攞『撈起』呢個好意頭。」而溫家恒亦相當識做，為眾女士夾菜顯風度。

學煮鮑魚

小倫子即將進軍娛樂圈，所以對「一帆風順」魚生船愛不釋手：「嚟緊會拍戲唱歌，希望事業可以順風順水！」溫碧霞表示媽媽煮得一手好菜，但未有向她偷師，反而學煮媽媽不擅長烹調的鮑魚去孝敬對方。而溫家恒及無綫女藝人邱頌兒亦鍾情魚生，大讚新鮮兼入口即溶，暫時放低keep fit的顧慮，放膽勁擦一餐。

文：專案組 場地：八重菊

髮型：Daniel@Chin G.（溫碧霞）、Simon LAW PH@HairRevolution（謝芷倫）

化妝：Middi Yau（溫碧霞）