愛車如命的Rain，日前與她的「老公」粉紅色開篷甲蟲車出巡行大運，四座位座駕買了約兩年，價錢超過20萬，Rain說：「架車原裝係米白色，本來想噴紅色，後尾覺得太誇又似的士，因為我鍾意Baby Pink（嫩粉紅），咪去車行搵人噴色，呢隻嫩粉紅有啲少女童真。（點解揀開篷呢？）部車的的骰骰，實用得嚟又有型，通常秋天或冬天先開篷，而且會去石澳、赤柱或郊外地方先開篷。」

Rain落手落腳為愛車打掃，心細如塵。	Rain拿着「財神到」海報，務求催旺財氣。	Rain坦言緋聞男友王傲山亦曾坐過其座駕。

揸車穩陣派

緋聞男友王傲山有否坐過其座駕？Rain直認不諱說有，他試過揸其座駕，還大讚他的駕駛技術OK，不會揸快車，她說：「講到揸車，我直頭掂到爆，係穩陣派，唔會太驚青。我成日會做『柴可夫』司機，接載媽咪返工同行街。」認真廿四孝！

財神到招財

Rain笑言通常男士都稱自己的靚車為「老婆」，她說叫其座駕為「老公」。採訪當天，Rain還拿着七彩雞毛掃服侍「老公」，並拿着「財神到」的海報招財：「因為粉紅色都幾Luck我，利我財源同人緣。」

每月Rain花在洗車、入油錢及泊車費等等大約要五位數字，車子是她的心頭好，有時開工收工搭的士，花費可能差不多。

文：German　攝影：劉智源