陳慧琳昨日以D&G牛仔熱褲裝，出席香港迪士尼樂園的「虎虎生福」活動，被大會稱為「幸福天后」的她笑不攏嘴：「好開心，新年都會帶個仔嚟玩下，之前嚟拍MV嗰次，都有同囝囝嚟過。」陳慧琳在活動中又為家人及工作人員祈福，她抽中「健康」卡後即謂：「最緊要個仔身體健康！」

陳慧琳透露原本想將蝦餃仔劉昇打扮成小財神，但找不到合適的服裝：「都冇乜得揀，依家都係買咗棉襖嗰啲簡單嘢。（幫囝囝設計童裝？）等明年啦，反正依家佢都唔知發生咩事。」

陳慧琳與米奇及米妮向大家拜早年。

陳慧琳設計的產品昨日開賣，反應熱烈。

樂壇不健康

陳慧琳直言為無綫電影《72家租客》於戲中獻唱，屬於環球系的她會否因唱片公司的關係，影響歌曲版權問題？陳慧琳指電影公司已買得版權，她與環球亦有兩、三張唱片合約，所以暫不會因版稅問題而考慮轉會。對於統一音樂頒獎禮，陳慧琳認為現時樂壇不是很健康：「每個台都有自己嘅諗法，都講咗成十年，嘥氣啦，冇乜可能。」

文：音樂組