本文重點
鄭嘉穎、蒙嘉慧、姚子羚及黎諾懿等昨日為新劇《Only You只有您》拍攝撞車爆炸戲份。近日有傳佘詩曼與陳豪撻着，身為阿佘的前緋聞男友鄭嘉穎對此笑謂：「大家都知呢排拍緊啲咩劇，就會揀番嗰啲演員嚟傳，有新聞價值先會傳吓，唔使太在意。（有冇向當事人求證？）你有冇病呀？啲咁嘅嘢都問會畀人鬧！」
孤單過情人節
嘉穎自稱工作密麻麻，情人節會離港度歲。他說：「會先去多倫多拍廣告，之後再飛拉斯維加斯同家人度假兼登台，又會喺當地上堂學唱歌。（有冇情人同你過情人節？）好明顯冇啦！（想唔想快啲搵番個？）呢個世界唔係咩都可以畀你得到晒，如果有得畀我揀，我梗係想事業愛情兩樣要晒啦！」同場的蒙嘉慧表示情人節希望與朋友度過：「往年都係成班朋友過，所以希望今年都可以成班人一齊開開心心打邊爐。（鄭伊健想唔想過二人世界？）有得打邊爐，佢一定仲開心過我！」
另外，陳豪接受查小欣的電話訪問時，笑言預了會跟阿佘傳緋聞。他說：「《宮心計》嗰陣又唔傳，依家先嚟傳，都唔知係咪嘉穎唔喺度先會咁寫。」他又稱不會向外公開戀情：「如果我真係拍拖而傳媒又問我，我會唔承認亦唔否認，因為我唔想講大話。」
文：影視組