江若琳師妹陳楚喬，早前與友人到意大利遊玩，並先後參觀了佛羅倫斯、米蘭、威尼斯及羅馬四個城市。楚喬笑謂由於她是個不愛掃貨的人，所以覺得歐洲很適合她：「啲意大利牌子香港好多都有得賣，而且我去旅行好鍾意試地道嘢食同認識歷史文化多啲。」
陳楚喬笑指意國並非大家想像般只有意大利粉及薄餅等食物：「意大利人好得意，每個地方都有特色嘢食。今次最難忘係去咗間地庫餐廳，嗰度啲蔬菜湯同平時飲開嘅唔同，好似糊仔咁，好好味。另外，我又問酒店有啲咩好食，之後就畀我搵到間有百年歷史嘅雪糕店，啲雪糕好原汁原味，我食咗栗子雪糕，新鮮到好似食緊栗子蓉咁，搞到返港後食其他雪糕都好似冇味道咁。但好可惜冇影到相，惟有下次去嘅時候補番，哈哈！」
