本文重點
李克勤唱援交？大家冇睇錯，60後的克勤唱新歌《二十四城記》，歌詞不是「三幅被」的愛情，而是80後的社會熱話—援交，今時今日的克勤，層次即時升呢。
「她 輾轉過幾多張床 錯將溫柔釋放 無盡過客 買她的笑容……她只許滿足虛榮 滿足一時高興 懷內每個 喊不出姓名」。這首《二十四城記》由林夕高足林若寧填詞，克勤唱出援交的麻木與墮落，緊貼時事與潮流。
危立天台拍攝
歌曲講援交，MV拍攝地點亦揀在旺角，在女人街的唐樓天台取景，克勤危立十二層樓高的天台加建簷壁上，伸手拯救欲跳樓的援交少女，唱片公司為隆重其事，特別租用吊臂拍攝旺角環迴360度城景，連後期製作，耗資近六位數。
扮演援交少女的model叫Seren，曾參選馬來西亞小姐。對於歌曲內容敏感，克勤說：「首歌講尋夢少女穿梭『廢城』，利用自己天賦本錢達到目的，的確有少少踩界，甚至有人問我係咪講阿邊個？我唔知呀，等大家有想像空間。」
文：音樂組