在樂壇頒獎禮有獎攞的HotCha，三位成員Crystal、Regen及Winkie最開心是對公司有交代，早前獲經理人批准放五日大假，由於她們今次放大假首要陪家人、朋友，所以她們籌備遲些三女才一齊去日本旅行玩個夠。日前她們更相約J2台旅遊節目《登陸日本》主持鄭家輝茶敍，問他有關日本食買玩情報。

講起去旅行，三女很雀躍，Winkie最鍾意去日本掃平靚正服飾，她說：「去親東京必去竹下通，成日買到好嘢，好似鄭家輝着緊件外套，我喺竹下通都搵到件好似㗎，一千七百日圓咋，大約百五蚊港紙，好抵呀！」身旁的鄭家輝忍不住笑說：「吓！我呢件都係千幾，不過係港紙呀！」此話一出令大家爆笑，Winkie亦急急補鑊：「睇真啲我件褸啲毛比較硬，冇呢件咁軟、cutting又有少少唔同嘅。」

飛日本睇騷

Regen最記得以前她專誠飛去日本捧偶像的情景：「我係日本女子組合Speed迷，有一年特登飛去日本兩日一夜去睇佢哋演唱會，喺現場睇氣氛好正，雖然行程好趕，但覺值得。」

文：專案組