腹大便便的徐淑敏（Suki）昨日出席公開活動，尚有七星期便剖腹產女，笑言曾夢見自己生產過程，由於極度怕痛，故即使往後再懷孕，也不願意自然分娩，更笑謂：「我會一路開晒佢，有齊仔女就收工。」
談到早前老公Kenny與傳媒街頭衝突兼吐口水，Suki表示老公向來緊張家人，她謂：「我初初識佢時佢都流口水，依家冇咗！（驚唔驚老公講粗口影響胎教？）佢冇喺我面前講過，（教佢EQ高啲？）唔敢講話教，不過咁大個人，發生事之後都會自我諗番。」
而於訪問期間，Suki分別接受有線等傳媒拍片訪問，沒料途中被無綫經理人阻止，雙方繼而發生小衝突，及後Suki經理人冷靜過後向傳媒耍冧，對於被質疑該活動並非無綫活動，為何拍片也被拒？Suki經理人解釋謂：「其實係唔得嘅，不過公司雙重標準，唔好意思！」