張家輝去年憑英皇電影《証人》吸得六個影帝獎，但其中的「亞太影展」獎座還未到手，令他心急「尋獎」！該片原班人馬再拍《綫人》，家輝與謝霆鋒忠奸角色對調，家輝不擔心被搶鏡，信心十足。
09年英皇電影戰績彪炳，《証人》為張家輝贏取六個影帝獎項，除此之外，電影《梅蘭芳》、發行電影《禮儀師之奏鳴曲》以及《風聲》亦橫掃不少影壇獎項，今年「英皇」繼續有超過十多部電影推出，投資總值達數億港元，當中包括成龍《大兵小將》、《十二生肖》以及《鎗王之王》，還有由《証人》原班人馬上陣的《綫人》。
追亞太影帝獎座
早前忙於拍《綫》片的家輝，直言至今還未收到《証人》奪得的亞太影展影帝獎座，希望有關方面能盡快寄獎座給他，他會否在家特製一個櫃來裝這六個獎座？家輝說不會：「我覺得攞咗就算，只會當係一個回憶，唔會特登擺出嚟。（孭住六個影帝之名去拍《綫人》，會唔會有壓力？）唔會，我都係用番一貫拍戲嘅態度，做好演員要做嘅嘢，唔會諗其他。」
預咗老婆冇反應
新片中，家輝與謝霆鋒忠奸角色互調，他可會覺得演奸角的霆鋒較易搶戲？家輝說：「導演林超賢嘅劇本，根本唔會有忠奸之分，今次我嘅角色比上一次更有挑戰性，內心世界好複雜。角色鬥智多啲，但尾場就打到飛起。（有冇整親？）拍打戲損傷實有。（老婆關詠荷有冇心痛？）佢都預咗啦，冇乜特別反應。」
談到英皇投資許多電影，家輝笑讚老闆楊受成很有膽識，更希望公司繼續步步向前，拍多些優質電影。
文：影視組 場地：艾美酒店