古仔在台上笑言為《花》片四出宣傳，只要收到黃百鳴老闆一封寫有「無言感激」的利是，便心滿意足，似拿早前無綫藝員客串《72》傳僅獲「無言感激」利是的事件來開玩笑，古仔說：「我哋套戲所有演員都落力宣傳，有啲留港、有啲出埠，大家分工合作。（用「無言感激」回敬《72》疑似抄襲？）創作冇話抄唔抄襲，觀眾睇得開心就得。」

君如有咗先結婚

君如被問到虎年是否可以實現造人及做新娘大計？她說：「又接咗兩套戲，初八就同古仔開工，有一套仲係陳可辛監製添。（陳可辛想拉布？）搞大咗個肚先結囉！同佢合作實嗌交，我事先聲明咗工作還工作。（會否效法李心潔搵個島結婚？）我邊有錢包個島？包個狗仔隊去唔到（島）咩？」