祖兒昨日一身全黑打扮出席代言的護膚品牌活動，並暢談護膚之道。活動結束後，祖兒即興奮的公告喜訊，她說：「我隻EP Boxset好好賣呀，二千套已經賣晒喇，依家趕工加印緊，希望新年之後可以推出。」鬼主意多多的祖兒更表示若歌迷於農曆大年初一在街上撞見她，又遞上EP索簽名的話，自己便會送上大利是，她說：「始終都係緣分嘛，我唔單只會無言感激，仲會送上香吻添！」

Twins合體返晒嚟

對於Twins鐵定四月舉行兩場演唱會，祖兒說：「我已經報咗名做嘉賓，好耐冇一齊玩，佢哋以往嘅演唱會好似嘉年華咁開心，雖然係Twins，但我哋三個加埋就係龍虎豹！（咁你係咩？）我係龍，之前大家各有崗位，加上我新碟嗰個旗袍裝，那條龍非我莫屬，真係好期待同Twins喺紅館同台呀！」剛入行十周年的祖兒亦寄語入行第九年的Twins不用太緊張，只須用興奮的心情去演出便可以。

祖兒更自爆早前曾往探班，看見正在拍攝演唱會海報的Twins，她感觸的說：「阿Sa呢一、兩年獨立發展，個人大個咗好多，今次二人合體，我覺得佢哋真係絕配，感覺返晒嚟，真係好難得！」

有此一著

容祖兒昨以一襲釘珠H&M短裙襯Jessica Trosman外套，下身則配襯黑色Veronique Branquinho鞋，整體感覺既充滿神秘感又型格，與一頭啡金色頭髮簡直是絕配。

採訪：音樂組