崔建邦自去年十二月涉嫌打女友鄺敏慧（中巴）後，因情緒抑鬱而隱居避世，前晚為了跟視他為「愛將」的陳志雲晚膳，罕有地外出，崔建邦稍後將到海地做義工，望藉住幫助災民重建自信，自我反思，返港再戰娛樂圈。
崔建邦於事發後已暫停所有工作，滿肚冤屈無路訴，情緒一度陷於低潮，更求助心理醫生，家人與朋友見他日漸消瘦兼足不出戶，均替他擔心，不停開解他，直至上周崔建邦往警署報到才首次公開露面，但對傳媒所有提問都不肯回答。
陳總陪晚膳
前晚八時，本報發現崔建邦與無綫總經理陳志雲於尖沙咀富豪酒店食飯，期間崔建邦表現得悶悶不樂，全程大多由陳志雲發言，崔建邦乖乖地聽，二人逗留了個多小時後從側門離開，戴上鴨舌帽與口罩的崔建邦一見記者在場即大感愕然，有點不知所措，陳志雲示意他大方企定定給記者拍照。
記者問崔建邦心情如何？陳志雲開口代答：「佢心情OK，（今晚食飯係咪傾復出？）唔係，普通食飯啫，（中巴話好後悔同你一齊！）唔好講呢啲。」站在身旁的崔建邦不發一言，當陳志雲說畢，二人即往附近的日航酒店由秘道離開。
據悉心情已開始轉好的崔建邦，近日再受欠卡數之負面報道打擊，令情緒再陷低潮，陳志雲遂相約飯局開解他，就此事致電陳志雲，他承認崔建邦再次抑鬱，他說：「佢依家好似驚弓之鳥咁，對所有負面報道好敏感，問點解啲人要咁樣寫佢，覺得好唔開心，所以我咪約佢食飯開解吓佢。」
經濟冇問題
再問到崔建邦會否出外散心，陳志雲說：「會，佢遲少少會出去，可能會去海地做義工，其實喺發生事之前，我都有聽佢講話去非洲或者印度做義工，依家海地發生地震，好需要人幫忙，所以佢聯絡緊，睇吓去到有咩幫手，我都好鼓勵佢去，希望佢從幫助災民嘅過程之中有所領悟，重建自己嘅信心，復出嘅事慢慢再講，（佢停工咁耐經濟有冇問題？）佢經濟應該OK，之前都不停工作，佢冇提過經濟有問題，所以欠卡數嘅報道簡直係無稽之談。」
文：影視組 攝：追蹤組