謝安琪對表外甥張敬軒被本報踢爆與密友關智斌（Kenny）的同居關係，她雖然甚為驚訝，但表明早知軒仔搬新居，更力撐軒仔跟好朋友互相照顧，不足為奇。
謝安琪（Kay）昨日為唱片《SLOWNESS》在apm舉行簽唱會，吸引數百歌迷來捧場，將商場擠得水洩不通，會上Kay即席獻唱三首歌，又跟歌迷玩遊戲，大會派了五、六百個簽名籌，她笑說：「我啲粉絲好特別，唔係追星嗰班，我會幫佢哋簽晒名先走，仲會同佢哋影相、傾吓偈，唔想令歌迷失望。」
遲啲入去探佢
談到她的表外甥軒仔被爆搬入西貢新居，與Kenny過着同居密友關係，Kay一臉驚訝地說：「我唔知，你講我先知，我知佢搬屋，我會打畀佢問，最近好多朋友都搬咗入西貢，遲啲一次過入去探晒佢哋。」
Kenny被目睹為軒仔購買家常用品，Kay即維護軒仔說：「其實軒仔同王菀之、Kelvin（關楚耀）佢哋一直都互相照顧，冇乜出奇。」早前軒仔聲帶出血，Kay本想煲湯給軒仔，但遭對方拒絕，她笑說：「佢話唔使，可能佢唔想飲，有其他人煲畀佢，講笑咋，佢工人好識煲湯。」
奪海外女歌手
剛由馬來西亞返港的Kay，在《My Astro至尊流行榜頒獎典禮》中勇奪「至尊海外女歌手」，她坦言感到很開心，她說：「好着重海外巿場，將來有機會都會多到海外宣傳，跟當地歌迷見面。」
文：音樂組