嘉欣去年憑《親密》榮升影后，故當她「放風」將與星皓約滿後，即有不少公司出高價利誘她加盟，但畢竟與星皓關係儼如家人般，再加上續約條件不俗，令嘉欣決定留守星皓。

據知星皓將為嘉欣度身訂造新劇本，誓要向康城影后方向進發，而續約價方面，鑑於嘉欣多年來為公司賺下不少錢，於肥水不流別人田的情況下，星皓願意為嘉欣加價100％以表誠意。

目標康城影后

記者就續約一事向嘉欣求證，她透過短訊表示：「我同星皓合作八年，大家有種默契，簽唔簽約都唔係重點！」而星皓發言人彭小姐則表示公司與嘉欣已昇華，更謂：「大家係有心，講真誠，（嘉欣話佢一直遇唔到代表作！）其實一直搵緊，《親密》令嘉欣去到另一層次，希望再幫佢喺電影方面搵到新路線，至於續約條件就唔方便講太多，（係咪加價一倍？）當然有，每次工作都有加價㗎！（咁係咪向康城影后進發？）哈哈！梗係想，因為嘉欣都去過咁多個影展。」

文：影視組