前亞姐袁小曼與地產公司董事總經理廖偉強愛得癡纏，目前二人正於北角港濤軒同居，雖然小曼疊埋心水等嫁，但據土地註冊處資料顯示，港濤軒單位的登記業主只有「廖偉強」一人，並未見「袁小曼」之名字，與05年廖偉強被指以「同價轉手」御皇臺一個價值240萬單位予一位李姓女子的作風截然不同。
據一位自稱曾與廖偉強共事的X小姐向本報爆料指：「我戥廖太同李小姐好唔抵，廖太唔係黃面婆，李小姐更稱得上清秀，廖先生依家口味大變，轉為鍾意啲豐滿型嘅。我喺facebook仲睇到有人留言話『我愛打假波』，真係好好笑。」
廖偉強與袁小曼的戀情，近日在地產界議論紛紛，記者昨日到北角某地產公司，走訪被指以「同價轉手」購入廖偉強御皇臺單位的李小姐，她在記者表露身份後，面紅紅尷尬地說：「我唔會答你問題，（你同廖偉強好熟？）唔講，況且同佢都冇咩關係，唔關我事啦！」
而自稱是廖太胞姊的梁小姐，昨日在電話中說：「我個妹出咗院返屋企休息，阿妹依家睇在兩個仔份上，唔再理啦！」而至截稿前，廖偉強與袁小曼均未有回應。