有傳「亞太區最受歡迎香港男歌星」本是克勤的囊中物，由於無綫與HKRIA關係冰封，結果臨場卻改頒給「親生仔」林峯，成為犧牲品的克勤昨日為新歌《24城記》拍MV，夾在唱片公司和無綫之間左右做人難的他，接受本報獨家訪問時說：「年年都有好多風，我真係乜都唔知。」

唔去飲仲打包？

問點睇林峯攞亞太男歌星，克勤說：「冇點睇，攞獎恭喜佢，係開心事，等於我恭喜容祖兒攞獎，我依家不問世事，立場係唔關我事，因為我冇參與，冇去到就冇資格評論，我覺得成個頒獎禮好成功，做到娛樂性。」

對於四大唱片歌手捧蛋，睇通睇透的克勤說：「冇評論，簡單講如果有人請你去飲你唔去，係咪仲要包碗翅走呢？大家唔好咁執着。」完全明白無綫「冇到冇獎」的遊戲規則，還笑說：「成日話我關係好，我咪同所有人一樣捧蛋。」

約滿後不會過檔

至於HKRIA開放歌手用廣東話接受有線訪問，掉轉槍頭向無綫，克勤卻說：「我國語唔係幾好，我想練多啲。（撐無綫？）冇咁講，語言唔係問題，唔好咁執着。」言下之意會堅持用國語做有線訪問。

克勤並坦言與無綫還有幾個月合約，約滿後都不會過檔其他電視台，擺明心向無綫；對於有指環球分成兩派，一派撐無綫，一派撐唱片公司，他說：「環球好團結，唔覺有乜黨派，希望件事盡快解決，唔想搞到咁僵。」

文：音樂組