剛誕下逾七磅重女兒的郭可盈，昨日與丈夫林文龍及囡囡出院，戴住太陽眼鏡的可盈雖然仍然有少少肚脹，不過她表示已迅速復原，且中氣十足：「好難形容嘅開心，依家成日都會諗住BB個樣，BB眼、鼻好似佢（林文龍），個嘴就好似我。（追多個？）可以諗吓，不過唔可以隔太耐，要幫BB搵個伴，仔女都冇所謂。（今次你生，林文龍為你安排一切？）好感動，佢照顧得好周到，多謝晒。」
文龍透露為可盈請了陪月，他謂：「搵咗中醫同陪月，寫咗好多藥方畀可盈補身，未來一、兩個月我都會望實BB，所以都推咗拍劇。（會唔會擺滿月？）唔會，外面太多細菌。（BB改名未？）未。（同可盈感情更好？）超好，最近勁好。」而當文龍見記者拍照，他即緊張地叫記者唔好向BB閃燈，流露慈父之情。