本文重點
擁有魔鬼身材的彭丹近日胖了不少，亮相公開場合時被懷疑「變臉」。彭丹多次解釋是為拍戲增肥仍不獲信任，故出示劇照以證自己為「藝術」犧牲。
彭丹一向以魔鬼「濕柴」（身材）而自豪，但最近數月於公開場合亮相，卻屢次被指身材仍有睇頭但「面目全非」，惹來「變臉」傳聞。
彭丹堅稱沒有整容，強調自己為拍內地電影《逃亡戰士》增肥20多磅，令樣子亦被拉闊，更坦言為拍此片走樣，令她損失一個內衣代言及一個化妝品廣告。她說：「個個整容都係整瘦，邊有人會整肥呀！我今次一共損失咗七位數字酬金，經理人都替我肉痛，但我自己覺得好值得，呢套戲我由18歲演到68歲，由村姑演到女兵，係第一女主角，有好多機會發揮，咁好嘅劇本唔係成日遇到，錢嘅嘢搵唔晒嘅。」
恨拍纖體廣告
至今電影已拍竣，但彭丹仍未收身，更加做不了拿手的「拱橋」動作，她表示一直以來只靠自己做運動和節食，覺得效果不大好，不過目前已有不少美容院邀她做代言人，承諾會幫她成功纖體。彭丹說：「我想快啲減番，最好一個月可以減20磅，等啲人唔好成日話我整容。不過都要搵間有信譽嘅公司，始終減肥都有風險，又唔想自己因為減肥而搞到身體變差，健康幾時都係最重要，冇咗健康就算幾靚都無用。」
文：影視組