胡寶星媳婦吳婉芳（May）婚後一直專心相夫教子，直至今年兩子出外升學加上女兒升中，多了空閒時間，遂將全副心機投放入新開的餅店中。
胡家驊太太吳婉芳去年在機緣巧合下認識了六、七十年代著名「金獅餅店」的葉師傅，愛吃白麵包的她靈機一觸，即時開拓成一盤生意，令在香港銷聲匿迹了二十年的「金獅」一月三日重現灣仔。
仔大女大有啲悶
May以前曾在胡家家族的麗嘉酒店開過花店，但並沒全情投入，今次開餅店，由揀舖位到開店全部一手一腳，May說：「再做生意係因為兩個仔都出外升學，個女又升上中學，多咗好多時間，生活有啲悶，咁啱識咗葉師傅，自己又鍾意食麵包，所以同葉師傅一拍即合。」
可製造就業機會
May今次共投資了七位數字，餅店以食得健康為主題，全店麵包西餅都不會有反式脂肪，她並下令每日收舖後剩餘的麵包，都送去老人院、兒童院等慈善機構，絕不浪費！現時坊間對餅店的反應不俗，她已計劃多開兩間分店：「有啲朋友話，你不如搵呢筆錢炒樓賺快錢啦，但我只係想輕輕鬆鬆做生意，有啲精神寄託，而且一間店都請十幾人，製造下就業機會幾好吖。」現時May每日都會返餅店至少八小時，在舖內觀察顧客的口味，她笑言生活比每日逛街來得充實兼有滿足感。
文：影視組