本文重點
歌手王菀之出席《慈善星輝仁濟夜》宣傳活動，她透露當晚會一邊唱歌一邊織冷衫籌款，她說：「人一世物一世，早前學識編織後終於織起咗一件，件衫好大件係中性嘅。（送畀邊個？）唔知呀，可能第時個老公。（唔怕等到件衫發霉？）咁我用個箱收起佢，再放啲抽濕防潮珠入去囉。」她笑言要望住支針和冷，一針一針才能織出來，不排除當晚表演時大家只會看到她的頭頂。
有此一著
淡色上衣配薄紗長裙，內襯四個骨牛仔褲，簡潔雪白的造型，腳踏一對手工仔細的花邊白鞋加白色波點襪，相當有心思和突出，王菀之說：「我喜歡簡潔配搭，白色淡色係我主打。通常以Dream（夢）同Fantasy（幻想）為主題，反映出發白日夢嘅概念。我較喜用不同嘅配搭造出Layering感覺，但最緊要簡單乾淨。」