Stephy榮升金牌大風一姐後，與傅穎不和傳聞繼續升級，同時她又左右受敵，近日有消息指她「升呢」後嫌棄拍檔方力申，要求分開發展，方力申遂聯同公司上下一起杯葛Stephy，又跟鄭中基齊反擊數臭對方。Stephy昨日於奧海城出席《慈善星輝仁濟夜》宣傳時大力闢謠，並表示：「呢啲新聞我唔想解釋。有人想我哋金牌大風打大風同內亂。之前講我同傅穎不和，依家又輪到同方力申反目。雷頌德講過金牌大風唔係打大風，大家要團結對外。根本無發生咁嘅事，唔好針對公司。之前咪講咗會同方力申分開發展，係因為合作得太多，我哋唔悶大家都悶啦。」

放大圖片	鄧麗欣（右起）、王菀之、HotCha等出席記者會。	Lisa S.（左）整蠱椋名凜，指她着比堅尼踢波。

甜品冧男友

Stephy透露仁濟夜當晚會表演整糖水，直言最拿手炮製木糠布甸，問她有甚麼人品嘗過？她即表示：「方力申都試過。（讚定彈？）我咁有心機整，佢點敢彈呀，唔驚我鬧咩！」

椋名凜被玩

昨日出席宣傳活動的歌手還有王菀之、HotCha，以及港姐劉倩婷、李姿敏、熊穎詩、高海寧、陳倩揚、張嘉兒和名模Lisa S.、椋名凜等，說日語的椋名凜在台上被司儀問問題時，因言語不通，有點失措，在旁的Lisa S.即幽對方一默，搞笑地叫翻譯指椋名凜在節目當晚會穿着比堅尼踢波。

文：影視組