據說陳復生上月尾以「私人理由」入稟申請離婚，雙方持有的物業也被附「暫緩註冊」（釘契），記者致電陳復生，她說：「我已申請離婚程序，依家由家事法庭處理中，唔方便回應，多謝傳媒關心。」

「我又冇驗DNA」

記者再致電何鴻章，問知否Michael與陳復生離婚？他即說：「佢唔係我個仔，你問佢老母佢係邊個個仔！我又冇驗DNA，佢話總統個仔都得㗎啦，你聽佢噏啦！」又說沒有與Michael聯絡，並強調不認識他，至於有否見過Michael，何鴻章說：「有見過面，但我唔識佢，冇來往。（知唔知佢同陳復生離婚？）有聽聞，陳復生話佢老公唔理佢、冇畀錢養啲細蚊仔（一對子女）、話佢係個唔負責任嘅老竇。（有冇叫十姑娘教個仔？）我好耐冇見佢。（有冇同陳復生聯絡？）冇。（咁你又知佢唔畀錢養細路？）人哋傳，世界咁細聽返嚟，總之我唔識Michael Mak（何東舜銘前名麥舜銘）。」

可憐佢至幫佢

問到為何突然間不認Michael為兒子，何鴻章多次重覆說：「我冇驗DNA！」對於當年Michael跟賭王罵戰十分支持對方，他說：「當時我Support佢係可憐佢。（佢唔畀錢養細路係咪有原因？）我點知點解佢唔養啲仔女，可能佢癲咗。（離婚原因係咪因為女人？）我點知佢（出面）有幾多個女人，總之我哋冇來往。」

01年十姑娘被入稟追1,200萬元觸發與兄長何鴻燊的決裂，賭王指因何東舜銘欠債所致，從而引發雙方為澳娛的股份問題展開罵戰，當時何東舜銘姓麥，自爆是何鴻章的親生仔，揭露了十姑娘與堂兄何鴻章一段戀情，而何鴻章亦認有其事，後來Michael認祖歸宗改姓何東，今何鴻章突然改口不認子，實令人費解。

文：名人組