吳文忻與譚筠怡昨日到屯門龍鼓灘參與《香港藝人名人小型賽車同樂日2009》，九年冇賽車的筠怡說：「以前試過揸架冇brake嘅車，我當自己唔lucky，唔想失場惟有硬住頭皮戰戰兢兢賽埋落去，其實我揸車都幾狼㗎！（問准男友至可比賽？）咁又唔使，佢唔介意我玩車。」而剛失戀的文忻說：「拍咗七個月，我係一拍拖就開turbo嘅人，到冷靜咗至發覺唔啱，咁咪分手做番朋友，我心急想快啲拍拖，因為好想組織家庭。」