昨日郭富城出席Gucci澳門首間旗艦店開幕，與品牌亞太區行政總裁鄧婉穎一同為新店剪綵。穿上Gucci 10春夏新裝，白西裝白西褲，內襯花恤衫和戴太陽眼鏡的城城，猶如白馬王子出巡，他大讚澳門愈來愈靚，除了多賭場，又有很多美食和靚酒店，媲美拉斯維加斯；向來嗜好賭馬的他，突然表示冇興趣到賭場玩兩手，又直言不相信不勞而獲。本身是Unicef大使的城城，對於品牌與Unicef合作推出以環保為主題的「snowman in Africa」書冊，並將收益全數捐作慈善用途，是有愛心的行為。

避忌扯開話題

之前曾在公開場合高調講Lynn的城城，被問到會否為Lynn順道選購女裝時，他即顯得避忌並扯開話題說：「通常係揀畀自己，今年生日Gucci送咗個好靚嘅手袋畀我，我又唔捨得用，可能留番聖誕節用。（諗住買乜聖誕禮物畀Lynn？）未諗，好忙，私人事唔想講，（支持Lynn部新戲？）唔講。」城城雖然絕口不提Lynn，但仍漏了口風會買聖誕禮物給對方，可見Lynn地位已「升呢」。

何嘉莉以型格裝扮出席活動。

Rosemary笑稱在蘭桂坊何止一晚識三男，而是識三個女仔。

婷婷想做槍手

昨日出席的名人包括謝婷婷、Rosemary、何嘉莉、時裝設計師何國鉦、陳柏熹、榮文蔚，還有黃佩霞和司馬燕等。穿大露背裝的婷婷透露將在聖誕期間停工兩星期陪男友，又表示公司正在為她物色角色，她不希望飾演太女性化的角色，自言喜歡做槍手，更講笑想與男友合作演英雄救美，但由自己做英雄，她又說：「我都想同屋企人一齊拍戲，我諗會好似一個真人騷，媽咪做番媽咪角色，冇理由霆鋒做我情人嘛！咁會好唔正常。」提到阿嫂張栢芝佗仔定女時，她表示不清楚。

Gucci澳門首間旗艦店樓高兩層，面積一萬二千平方呎，沿用創作總監Frida Giannini全新設計概念而建，門外一個巨型金色幕牆，有五層樓高，新店採用玻璃及大理石而建。

品牌澳門首間旗艦店樓高兩層，門外是一個巨型金色幕牆。

司馬燕一家四口出席，大仔吳澋滔已經高過媽咪。