昨日有指陳肇麒（陳七）與o靚妹分手後翻撻舊女友，二人更被拍得在沙灘煙韌，令與陳七拍拖僅數月的o靚妹蒙上第三者之名。

硬食死貓

o靚妹昨日接受電話訪問時無奈指自己「食死貓」，提及「第三者」傳聞時更激動哽咽，她澄清道：「好肯定自己唔係第三者，拍拖前已經清楚對方分咗手先喺埋一齊。」o靚妹又爆與陳七拍拖時，對方仍不時收到前女友的短訊，指要「睇下佢（o靚妹）係咪咁好」。問o靚妹看到前男友親密照會否生氣時，她沉思一下後表示「呢啲嘢唔講」。

有人放料

傍晚o靚妹收拾心情返無綫拍攝新劇，被問到戀事時不禁眼眶發紅，並頭耷耷說：「自己唔係暗交，係光明正大，佢同隊友出街都有帶埋我！」

至於是否有人威脅她與男友分手，o靚妹低聲道：「唔想有任何意外發生，寧願選擇離開。（覺得陳七女友放料？）心知肚明，依家我哋都分咗手，邊個最大得益好明顯！」o靚妹又謂不願再談這事，以後會專注工作。

文：專案組