鄧萃雯前日為護眼液「樂敦養潤水」拍廣告，她表示酬勞非常滿意，不過最開心還是她一直認為自己眼睛最美麗，現在終獲賞識被邀拍廣告，可謂得償所願。雯女笑謂：「啲人話我對眼識做戲嘛，對眼係我嘅長處。（咁識唔識放電？）唔識，要放電唔一定用眼。」雯女更大讚好拍檔黎耀祥的眼睛亦很會做戲，並開心表示二人很有默契：「其實好多人都讚柴九（黎耀祥）喺《巾幗梟雄》最尾病嘅時候，雖然要戴住口罩、得對眼做戲，但都好有戲味，我同佢之間憑眼神都可以交流到戲㗎！」
後悔喪谷魚尾紋
雖然雯女自覺眼睛漂亮，但也自知有眼袋及魚尾紋等缺點，她又自爆童年的瘀事：「我鍾意自己有魚尾紋，覺得有紋好有型，我仲特登矇眼笑啲紋出嚟，直到大個至知道唔靚。」雯女又表示現在要與別人鬥靚鬥後生已是「冇得鬥」，所以她會着重培養內在美來轉移視線。
祥仔無奈炒舊情
此外，有自稱是黎耀祥前妻朋友的讀者致信本報，直指祥仔現任妻子才是破壞二人婚姻的導火線，責怪祥仔舊事重提，更表示若再出言不遜，會進一步爆料。記者致電祥仔時，他無奈的謂：「其實我都有同感，好多人都想過平靜生活，包括我，其實十幾年前嘅感情轇轕唔想再有傳媒炒作，我係圈中人冇所謂，但唔想影響到人哋，某啲傳媒應該對其手段自重。」問祥仔怕否被進一步爆料時，他坦言：「唔怕，要講嘅我都講晒！」
文：影視組