「潮模」Angelababy在日本發展一帆風順，早前就一口氣拍攝《Glamous》和《Shelter》等多本雜誌的時裝專輯。由於太忙關係，Baby在日本期間沒有時間逛街，故在拍照時見到合適的衣服便即着即買，更有客人將衫送給她，令她開心不已。Baby說：「我發覺自己着衫嘅風格唔同咗，因為日本嘅配搭方式好唔同，以前都無諗過會着到YSL和Gucci嘅衫，喺日本好多雜誌經常借呢幾個品牌畀我，自己都幾鍾意。」
她表示明年計劃向內地發展，不過每次離開香港超過一個星期便思鄉病發作。問她是否因為掛住緋聞男友陳偉霆（William）？她說：「我好掛住香港fans，佢哋日日都會喺我blog上留言，每次睇到都好感動，fans係我親密朋友。（之前喺巴黎買生日禮物送畀William？）未有時間買住呀。」