近日雜誌刊登疑似謝安琪跟陳奕迅（Eason）的網上相片，令兩家人的四角緋聞再次炒起，Eason太太徐濠縈未知是否被報道影響心情，臨時缺席前晚的公開活動，而Eason經理人亦發表聲明，力斥報道失實。
「第21屆傑出衣着人士頒獎禮」將於本月26日假The Mira Hong Kong舉行的頒獎禮公布，得獎名單除本報率先披露的徐濠縈及蘇永康外，蔡卓妍、湯唯及台灣型男阮經天亦在名單之列，其餘未曝光的名單則是兩位明星及三位名人。
影響小朋友
得獎人之一的徐濠縈前晚原定獲邀出席畫展活動，但最終竟然臨時甩底，未知是否為迴避傳媒追問近日Eason跟疑似Kay網上流傳照片有關，阿徐的好友何志恩表示：「我成日都見住佢兩公婆，完全知道佢哋冇事，個報道係無中生有！」何志恩更愈講愈勞氣，力斥報道影響小朋友成長，她說：「小朋友大啲就會明，負面新聞講自己爹哋媽咪都唔開心，（阿徐為報道唔開心？）佢有distrub，佢兩公婆ＥＱ好高，到依家都可以應付呢啲新聞！」
擬訴諸法律
而Eason昨日心情大靚為東亞運動會活動宣傳，大鬥乒乓波，但就不願對報道作出回應，他說：「有同事話我知，我唔答，（阿徐睇咗張相喎？）哦，原來係咁，我未睇，亦唔需要睇！」Eason的經理人陳家瑛昨午向各大傳媒發表聲明，力斥小撮報道不盡不實，令Eason、其家人及朋友情緒受困擾，嚴重影響Eason形象，若日後再有不實報道，將採取法律行動。
採訪：音樂組