曾志偉監製新片《72家租客》耗資六百餘萬在邵氏片廠以1：1搭建「西洋菜街」，昨日志偉、學友、鍾嘉欣、Stephy、黃宗澤、吳卓羲等演員參與開廠拜神，靚靚因病倒未有出席。

學友（右）、志偉（左）與一眾演員參加拜神。	袁詠儀因病未有出席拜神。（資料圖片）	耗資六百多萬在邵氏片廠搭建的「西洋菜街」，像真度極高。

Stephy捧AV女優場

學友今次拋低歌手形象與志偉互換角色求突破，志偉指學友入戲時「上咗身，賤賤哋」，學友即解畫說：「我（賤格）有背景嘅，我後生係林峯，志偉後生係側田，一齊爭靚靚但佢竟然揀志偉，你話我幾大打擊呢，咪搞到心理不平衡囉。」

片場內四出罵人的學友搞到聲音沙啞，只得扮演他女兒的Stephy肯接近他，Stephy更想送她的著作給偶像，學友即爆Stephy入行時曾託人找他影合照：「佢送書畀我會欣然接受，但我一向冇書緣，最鍾意嘅書睇三頁就會瞓着。連囡囡都起碼遺傳咗一半，希望佢哋大個唔會咁啦。」

Stephy在戲中扮演日本AV副導演，日前一場戲講述她閨房貼滿男女交歡圖，性用具更隨處放，不過片中不會有AV女郎出現，她說：「之前話胡杏兒似蒼井空，我哋用咗杏兒張合成照做道具囉。（有個『AV Stephy』喎，唔驚遲早玩到你身上？）導演話佢『AV Stephy』有套新作推出，我都好想睇吓係咪真係咁似。」

鍾嘉欣速成學詠春

鍾嘉欣則化身「女版葉問」，首次在大銀幕上展拳腳功夫：「梁朝偉花九個月練詠春，我就花咗四日，之前仲差啲扭傷左膊，好彩休息咗冇事咋。」稍後所有演員將拍攝結尾歌舞大場面，志偉安排排位，所以各人都冇得爭。

文：影視組